في اشيا صرلي كل حياتي مفكر ما حدا بينتبهلن غيري او اذا صح التعبير ما حدا بفكر فيون غيري لحد ما قررت بلش اكتبن شوي من كل شي شوي من طفواتي من اوتوكار المدرسة و ريحة الشنطة لما تنسى عروس المارتاديلا في كل النهار شوي من اهلي اللي حامل شقف منن جواتي شوي من الله اللي رح اطلع لعندو شي يوم اسالو كل شي و افهم و شوي من هالقلب اللي بدو يدق حياة واتنين و اكثر ت يقدر يحب بعض الناس كفاية هيك يعني شوية افكار زغار لما فكرت فيون طلعو و لا اكبر.