يا حِلوة الحِلوين كيف بْدلِّلِك ؟ :
بكتب شعر موزون وْلَّا برسمِك!
بْجيب الشمس وبلفّها هديّة رِضا!
أو بنحت التِيجان حتّى كلِّلِك !
...
بْوَزِّع فرح عالنّاس .. أو بجمَع قِصص!
بصرُخ بِـ محراب الحكي .. أو بضرُب جرس!.
...
بْوَشوِش بإِدن الحلا !.. أو بخلُق صلا !
بعجُن محبّة .. وبالعشق بخبُز غَزَل !
بندَه عَ مصطبة الصبر:عندي أَمَل !.
...
بعزم دفا هالعيد .. حتى يحضنِك !
أو بترك الميلاد .. جايي يوصفِك !
يا حلوة الحلوين كيف بْدَلِّلِك !.