العلاقات الطيبة هي إكسير الحياة.. وهي الترياق الوحيد ضد الذبول الروحي.. والموت النفسي.. والعلاقات المؤذية هي أكبر سـارق للحياة.. ودافن للنفس.. ومستنزِف للروح..
كل علاقة في حياتك.. ممكن تكون علاقة شافية.. وممكن تكون علاقة خطرة.
الكتاب ده عن نواقيس الخطر ونواميس الشفاء هنتكلم عن علاقتك بنفسك وبجسمك وعـن الثلاثة أشخاص اللى عايشين جواك.
هتكتشف هو أنت في علاقة معينة بتكون نفسك، ولا بتكون حد تاني! واللي قدامك بيتعامل معاك زي ما أنت، ولا بيلبسك صورة حد غيرك!
هنشوف نتيجة اضطراب ولخبطة علاقاتنا مع الآخرين خاصة القريبين مننا.
وهنستعرض بعض أنواع وأشكال العلاقات، اللي مهم تاخد بالك منها، قبل فوات الأوان.
وأخيرا هنفتح أبواب التغيير ونطل من نوافذ الشفاء ونغزل سويا خيوط الالتئام.
سنسير معًا.
بين الألغام النفسية.
والشراك العاطفية.
حاملين في أيدينا باقات نضرة من الورود« محمد طه ».